ಬರಿಗಾಲಲ್ಲಿ ಬಾಗ್ದಾದ್(ನೆನಪುಗಳು) ಇದು ಸಮರದ ಕಥೆಯಲ್ಲ. ಇರಾಕಿನ ಮಹಿಳೆಯರು, ಪ್ರತಿ ರಾತ್ರಿ ಹಗಲೂ ಅಡ್ಡದಾರಿಗಳಲ್ಲಿ ನಿಲ್ಲುತ್ತಿದ್ದವರ ಕಥೆ, ಅನುಭವಗಳ ‘ಆತ್ಮ ಚರಿತ್ರೆ’

ಇರಾಕ್‌ನಂತಹ ಇತರ ಮಧ್ಯಪ್ರಾಚ್ಯದ ರಾಷ್ಟ್ರಗಳಲ್ಲಿನ ಹೆಣ್ಣು ಮಕ್ಕಳು ಎದುರಿಸುವ ಸಂಕಷ್ಟಗಳೇ ವಿಚಿತ್ರವಾದಗಳು. ಸಂಪ್ರದಾಯವಾದಿಗಳು ಮತ್ತು ಅಮಾನುಷ ಪುರುಷ ಪ್ರಾಧಾನ್ಯ ಮತ್ತು ತಿರುಚಲಾದ ಧಾರ್ಮಿಕತೆಯ ನೀತಿ ನಿಯಮಗಳಿಂದ ಈ ಪ್ರದೇಶಗಳಲ್ಲಿ ಶೋಷಣೆಗೆ ಹೆಣ್ಣುಮಕ್ಕಳು ಒಳಗಾಗಿರುವಷ್ಟು ಪ್ರಪಂಚದ ಇನ್ಯಾವುದೇ ಇತರ ಪ್ರದೇಶಗಳಲ್ಲಿ ಒಳಗಾಗಿಲ್ಲ. ಈ ಪುಸ್ತಕದ ಶೀರ್ಷಿಕೆಯೇ ಬೆಳಕು ಚೆಲ್ಲುವಂತೆ ಕಟ್ಟಳೆ ಕಟ್ಟುಪಾಡುಗಳೆಂಬ ಕಲ್ಲು ಮುಳ್ಳುಗಳ ನಡುವೆ ಬರೀ ಕಾಲಿನಲ್ಲಿ ನಡೆದು ಹೋಗಿ ತನ್ನ ಸ್ತ್ರೀಪರ ಆಷೋತ್ತರಗಳನ್ನು ಈಡೇರಿಸಿಕೊಳ್ಳುವುದೇ ಈ ಮನಾಲ್. ಎಂ. ಓಮರ್. ಎಂಬ ಸ್ತ್ರೀರತ್ನದ ಜೀವನದ ಪಯಣ. ಇದೊಂದು ಆತ್ಮಕಥೆಯೊಂದೇ ಅಲ್ಲ, ಇದೊಂದು ಶೋಷಣೆಗೆ ಒಳಗಾದ ಎಲ್ಲ ಹೆಣ್ಣು ಮಕ್ಕಳಿಗೂ ಸ್ಪೂರ್ತಿದಾಯಕವಾದಂತಹ ಕೈಪಿಡಿ.